Actualitats
D’afrontaments durs en Ucraïna per l’aprobacion d’una lei que fa oficial tanben lo rus
Lo president del parlament demissiona en protèsta; de manifestants e la polícia s’afrontan dins las principalas vilas. Lo president russista, Ianukovych, parla d’avançar las eleccions.
L’aprobacion d’una lei que fa oficial lo rus dins qualques províncias d’Ucraïna a generat una fòrta inestabilitat institucionala e de protèstas de ciutadans dins las carrièras de Kyiiv. Lo president del parlament, Volodymyr Lytvyn, demissionèt en protèsta contra la lei e a fach un apèl als grops parlamentaris perque accèpten pas aquela lei. La polemica dobèrta a portat lo president del país, lo russista Viktor Ianukovych, a parlar pel primièr còp d’avançar las eleccions se la situacion se pòt pas contrarotlar.
Ianukovych s’acampèt dimècres passat amb qualques grops parlamentaris per parlar de la crisi institucionala. “Lo president exclutz pas que, se s’arriba pas a garantir l’estabilitat de l’activitat parlamentària, caldrà convocar d’eleccions parlamentàrias avançadas”, çò diguèt lo burèu presidencial dins un comunicat. Normalament las eleccions parlamentàrias son previstas per octòbre.
La lei pòt pas intrar en vigor sens la signatura del president del Parlament e del president del govèrn. Lo primièr a demissionat e cal un president nòu per poder aplicar la lei. La legislacion fa cooficial lo rus dins qualques províncias de majoritat russa, dins un país qu’a 10% de la populacion d’origina russa. Russia a quichat dempuèi d’ans per que las autoritats d’Ucraïna fagan oficial lo rus.
Parlamentaris contra polícia
La lei foguèt prepausada dimars passat sens avisar, pendent una reünion del parlament ucraïnés, e se votèt precipitadament. Los partits de l’oposicion protestèron formalament a prepaus del mecanisme d’aprobacion de la lei e afirmèron que far del rus una lenga oficiala en Ucraïna es un atac quitament a la constitucion. Per protestar, quitèron los sieus sètis e los cobriguèron amb de grandas bandièras ucraïnesas.
Dimècres passat, un grand grop de deputats de divèrses partits manifestèt en una marcha illegala pel centre de Kyiiv. La protèsta ensagèt d’empedir un acte ont anava parlar lo president Ianukovych. La polícia ataquèt durament los deputats e los lors seguidors mas lo clima de protèsta foguèt talament grand que Ianukovych anullèt l’acte e convoquèt una reünion amb de membres del parlament per estudiar la situacion creada.
La lei, que se votèt sens èsser somesa al procès normal de revision del tèxt, ditz que lo rus se pòt considerar “lenga regionala oficiala” en Ucraïna. Manten per l’ucraïnés la consideracion de lenga oficiala de l’estat mas fa que lo rus siá en fach tanben lenga oficiala e que los requisits lingüistics en favor de l’ucraïnés quiten d’existir. Pels deputats de l’oposicion, s’agís de “la menaça mai granda contra la sobeiranetat ucraïnesa dempuèi la siá independéncia”, vint ans fa.
La lei serà pas valida fins que la signe lo president, qu’ensaja s’assegurar la leialtat de la minoritat russa d’Ucraïna. Ianukovych a perdut de popularitat e s’es vist somés a la pression de l’Union Europèa. Totes los dirigents, amb la sola excepcion dels espanhòls, faguèron boicòt de la celebracion de l’Èuro 2012, la copa d’Euròpa de fotbòl, en anant pas als estadis ucraïneses.
Ianukovych manten arrestada l’anciana cap de govèrn Iuliia Tymoshenko, qu’a denonciat de torturas. L’Union Europèa a menaçat amb de sancions e a comparat lo govèrn ucraïnés al de Bielorussia, qu’es considerat coma una dictatura.
Ianukovych s’acampèt dimècres passat amb qualques grops parlamentaris per parlar de la crisi institucionala. “Lo president exclutz pas que, se s’arriba pas a garantir l’estabilitat de l’activitat parlamentària, caldrà convocar d’eleccions parlamentàrias avançadas”, çò diguèt lo burèu presidencial dins un comunicat. Normalament las eleccions parlamentàrias son previstas per octòbre.
La lei pòt pas intrar en vigor sens la signatura del president del Parlament e del president del govèrn. Lo primièr a demissionat e cal un president nòu per poder aplicar la lei. La legislacion fa cooficial lo rus dins qualques províncias de majoritat russa, dins un país qu’a 10% de la populacion d’origina russa. Russia a quichat dempuèi d’ans per que las autoritats d’Ucraïna fagan oficial lo rus.
Parlamentaris contra polícia
La lei foguèt prepausada dimars passat sens avisar, pendent una reünion del parlament ucraïnés, e se votèt precipitadament. Los partits de l’oposicion protestèron formalament a prepaus del mecanisme d’aprobacion de la lei e afirmèron que far del rus una lenga oficiala en Ucraïna es un atac quitament a la constitucion. Per protestar, quitèron los sieus sètis e los cobriguèron amb de grandas bandièras ucraïnesas.
Dimècres passat, un grand grop de deputats de divèrses partits manifestèt en una marcha illegala pel centre de Kyiiv. La protèsta ensagèt d’empedir un acte ont anava parlar lo president Ianukovych. La polícia ataquèt durament los deputats e los lors seguidors mas lo clima de protèsta foguèt talament grand que Ianukovych anullèt l’acte e convoquèt una reünion amb de membres del parlament per estudiar la situacion creada.
La lei, que se votèt sens èsser somesa al procès normal de revision del tèxt, ditz que lo rus se pòt considerar “lenga regionala oficiala” en Ucraïna. Manten per l’ucraïnés la consideracion de lenga oficiala de l’estat mas fa que lo rus siá en fach tanben lenga oficiala e que los requisits lingüistics en favor de l’ucraïnés quiten d’existir. Pels deputats de l’oposicion, s’agís de “la menaça mai granda contra la sobeiranetat ucraïnesa dempuèi la siá independéncia”, vint ans fa.
La lei serà pas valida fins que la signe lo president, qu’ensaja s’assegurar la leialtat de la minoritat russa d’Ucraïna. Ianukovych a perdut de popularitat e s’es vist somés a la pression de l’Union Europèa. Totes los dirigents, amb la sola excepcion dels espanhòls, faguèron boicòt de la celebracion de l’Èuro 2012, la copa d’Euròpa de fotbòl, en anant pas als estadis ucraïneses.
Ianukovych manten arrestada l’anciana cap de govèrn Iuliia Tymoshenko, qu’a denonciat de torturas. L’Union Europèa a menaçat amb de sancions e a comparat lo govèrn ucraïnés al de Bielorussia, qu’es considerat coma una dictatura.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercé plan per aquel article plan documentat. Se vei un còp de mai que la question de la diversitat linguistica es una problematica pan-europenca. Aquel refús de reconéisser oficialament una lenga parlada per una part tant importanta de la populacion e sus un territòri tan larg es clarament antidemocratic. Es necite qu'Ucraïna accèpte sa part de russitat, mès l'intervencionisme de Russia i es tanben una empacha majora.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari